މިމަދަރުސާއަކީ ޖަޕާނުސަރުކާރުގެ ހިލޭއެހީގައި ދިވެހިސަރުކާރުން ހިންގެވި ”ސްކޫލް ޢިމާރާތްކުރުމުގެ މަޝްރޫޢު“ ގެ ދަށުން 1983 ޖެނުއަރީ 28ވީ ހުކުރުދުވަހު ހދ. އަތޮޅުގެ އަތޮޅުވެރިޔާ އަލްފާޟިލް ޢަލީ ކަލޭފާނު ބިންގާއަޅުއްވައިދެއްވައި، 1 އަހަރުދުވަހުގެ ތެރޭގައި ޢިމާރާތްކުރުމުގެ މަސައްކަތް ނިންމުމަށްފަހު، 1984 މާރޗް 6 ވީ އަންގާރަދުވަހު އޭރުގެ މިނިސްޓަރ އޮފް އެޑިޔުކޭޝަން އޮނަރަބްލް އަލްއުސްތާޛު މުޙައްމަދު ޒާހިރު ޙުސައިން ރަސްމީގޮތުން ހުޅުއްވައިދެއްވާފައިވާ މަދަރުސާއެކެވެ. މިނިސްޓްރީ އޮފް އެޑިޔުކޭޝަން ގައި މިމަދަރުސާ ރަޖިސްޓްރީ ކުރެވިފައިވަނީ 6 މާރޗް 1984ވަނަ އަހަރުއެވެ. މިހާތަނަށް މިމަދަރުސާގެ ނަމަށް އެއްވެސް ބަދަލެއް އައިސްފައެއް ނުވެއެވެ.
މި މަދަރުސާގެ ކުލަ ތަކަކީ ނޫކުލައާއި ފެހިކުލައެވެ.
ހދ. އަތޮޅުމަދަރުސާގެ ހިއްސާވާ ކޮންމެ މީހަކީ އަދި ކުއްޖަކީވެސް އުނގެނޭ ޢިލްމާ އެއްގޮތަށް ޢަމަލުކުރާ އަދި މުޖުތަމަޢުއަށް ފައިދާކުރާފަދަ ހެޔޮ ޢިލްމު ފަތުރާ ބައެއްކަމުގައި ވުމެވެ.
މަގުދައްކަނިވި،ވިދާ އަލިކަމެއް ކަމުގައި ވާށެވެ.
އެންމެ ފުރަތަމަ ސްކޫލް ޢިމާރާތް ކުރެވުނުއިރު (1983ވަނަ އަހަރު) ހުރީ 5 ކުލާސްރޫމު ޖާގައިގެ ހޯލު ޢިމާރާތަކާއި އޮފީސް ޢިމާރާތަކާއި ސުކޫލް ހިންގަވަން ހުންނަވާ ބޭފުޅަކު ދިރި އުޅެވޭގޮތަށް ހަދާފައިވާ އެކޮމޮޑޭޝަން ބުލޮކެކެވެ. އޭގެ ފަހުން އެކި އަހަރުތަކުގައި މަދަރުސާއަށް އިތުރުކުރެވުނު ޢިމާރާތް ތަކާއި ބައެއް ޢިމާރާތްތަކަށް ގެނެވުނު ބަދަލުތަކުގެ ތަފްސީލްތައް ތިރީގައި މިވަނީއެވެ.
# | ޢިމާރާތުގެ ނަން | ޢިމާރާތުގެ ތަފްސީލް | ތާރީޚް |
1 | ވަގުތީ ކްލާސްރޫމް | ވީ.އެސް.އޯ އިން ޢިމާރާތްކުރި 1 ކުލާސް | 1992.01.15 |
2 | ފާޚާނާ ބުލޮކް | 6 ފާޚާނާ | 2000.09.18 |
3 | 2 ބުރި ޢިމާރާތް | 1 ކުލާސްރޫމް، ސުޓާފްރޫމް، ކޮމްޕުލެބް | 2000.12.31 |
4 | ވަގުތީ ކުލާސްރޫމް | 2 ކުލާސް | 2001.01.01 |
5 | ލައިބްރަރީ އާއި ލެބޯޓަރީ ޢިމާރާތް | ލައިބްރަރީ އަދި ސައިންސުލެބް | 2006.08.16 |
6 | ނަމާދުގެ | ނަމާދުކުރުމަށް | 2010.01.10 |
7 | ދަރިވަރުންގެ ކުޅޭބިން ވަށާފާރު، ފެންސުޖެހުން | ކުޅިވަރު ކުޅުމަށް | 2013.05.06 |
8 | ފައުންޑޭޝަން ކުލާސްރޫމް | 1 ކުލާސްރޫމް | 2016.02.07 |
9 | ދަރިވަރުންގެ 1 ފާޚާނާ | ފައުންޑޭޝަން ދަރިވަރުންނަށް | 2016.02.07 |
10 | 3ބުރި ޢިމާރާތުގެ މަސައްކަތް ފެށުން | 12 ކުލާސްރޫމް | 2019.10.01 |
1984 ވަނަ އަހަރު މިމަދަރުސާ ހުޅުވުނު އިރު ގުރޭޑް1 އަދި އެސް.ޕީ 1ން އެސްޕީ 6ށް ކިޔަވައިދޭން ފެށުނު ނަމަވެސް ކިޔަވައިދޭ ގުރޭޑް ތަކުގެ ޢަދަދަށް އެކި ފަހަރުމަތިން ވަނީ އެކި ބަދަލުތައް އައިސްފައެވެ. މިގޮތުން އައިސްފައިވާ ބަދަލުތައް ތިރީގައި މިވަނީ އެވެ.
އަހަރު | ތަފްސީލް |
1984 | ގުރޭޑް1 އަދި އެސް.ޕީ 1ން އެސްޕީ 6ށް ކިޔަވައިދޭން ފެށުން |
1989 | އެސް.ޕީ ކުލާހުގައި ތިބި ހުރިހާ ދަރިވަރުން ގުރޭޑް 5 އަދި 6ށް ބަދަލުކުރެވުނު |
1990 | ގުރޭޑް 7 އުފެދުން |
1999 | ގުރޭޑް 8 (ކޮމާސް ސްޓްރީމް) އުފެދުން |
2001 | ފުރަތަމަ ފަހަރަށް އޯލެވެލް ޢިމްތިޙާންގައި ބައިވެރިވުން |
2004 | ސައިންސު ސްޓްރީމް އުފެދުން |
2006 | ދެ ސްޓްރީމުން އޯލެވެލް ހަދަންފެށުން |
2013 | ސައިންސް ސްޓްރީމުން ގުރޭޑް 11 އުފެދުން |
2015 | ދަސްވާރު އަދި ބީޓެކް ސްޓްރީމް ތަޢާރަފްކުރުން |
2016 | ފައުންޑޭޝަން ލެވެލްގެ ކުލާސްތައް ފެށުން |
2019 | ކޮމްބައިންޑް ސްޓްރީމަށް ކިޔަވައިދޭން ފެށުން |